Sulod na sa witness protection program (WPP) ang pila ka mga personalidad nga may kaangtanan sa maanomaliya nga flood control scandal.
Sa isa ka press briefing, ginkumpirmar sang Department of Justice (DOJ) nga ginakabig state witnesses si Former DPWH Usec. Roberto Bernardo dismissed Bulacan district engineer Henry Alcantara, Former DPWH-NCR director Gerard Opulencia, kag tag-iya sang SYMS Construction nga si Sally Santos.
Buot silingon, indi na sila makabig nga mga respondents sa kaso.
Samtang ang duha pa ka katapo sang ginatawag nga ‘BGC Boys’ nga sanday Former engineers DPWH Brice Hernandez kag Jaypee Mendoza ang wala na-admit sa witness protection program.
Ginpahayag nga wala sila ginhatagan sang nagakaigo nga rason agud mangin kwalipikado kag makabig nga state witnesses.
Sa kabug-usan, naglab-ot na sa masobra P300-M ang kantidad nga narekober kag nabalik sa DOJ gikan sa mga personalidad nga may kaangtanan sa flood control mess.
Pahayag pa ni Justice Secretary Fredderick Vida, ang restitution nagapakita sang ila kahanda nga magkooperar bilang testigo sa maanomaliya.
