Ginpanginwala sang Department of Justice nga ginmanduan sini ang International Criminal Police Organization nga mas kilala bilang Interpol nga mag-issue sang ‘red notice’ batuk kay Atty. Harry Roque.
Ini ang gin-athag sang departamento matapos nga ginreport sa nagkalain-lain nga social media platforms nga ginhingyo na nila sa Interpol nga himuon ang request.
Si Assistant Secretary Mico Clavano, current spokesperson sang Department of Justice, mismo ang naghatag sang katin-awan sa sini nga bagay.
Suno sa iya, ginalantaw pa nila kag ginapreparar Aniya’y tinitingnan pa lamang raw nila at inihahanda ang mga preparasyon sa kanilang pagtutok sa naturang kaso ng dating presidential spokesperson.
Kon sa diin ang Department of Justice luyag pa nga una nga mahibaluan kon ano ang pinakamaayo kag posible nga mga tikang ukon mga aksyon nahanungod sa sitwasyon sang kaso.
Si Atty Harry Roque yara subong sa The Netherlands kag may yara sang pending ukon on-going nga ‘asylum application’ sa iya gobyerno.
Kadungan ini sang mga kaso nga iya ginapangatubang diri sa Pilipinas bangud sa iya gin-alegar kahilabtanan sa iligal nga operasyon sang Philippine Offshore Gaming Operator ukon mas kilala sa ngalan nga POGO.
Samtang sa pihak sini, gin-anunsyo man sang Department of Justice nga posible nga ma-delay ang pagdakop sa anay presidential spokesperson ni Former President Rodrigo Duterte.
Suno kay Justice Chief State Counsel Dennis Arvin Chan, dapat anay masolbar ang asylum application sang isa ka indibidwal antes ipatuman ang arrest warrant.
Apang iya ginklaro nga ini nga proseso ang base sa ginasunod diri sa Pilipinas.
Ginpahayag man sini nga nakadepende na sa The Netherlands ang pagdesisyon kun ila pangabayon ang Interpol nga magserbe sang arrest warrant batok kay Atty. Harry Roque samtang on-going pa ang iya asylum application.
