Maga-request sang blue notice para sa Interpol ang Department of Justice agud makakuha sang dugang nga impormasyon sa lugar nga ginatiniran kag mga aktibidad ni Ako Bicol Party-list Rep. Zaldy Co.
Ini matapos maangot sa mga alegasyon sang kurapsyon ang mamalidha.
“Latest from DOJ… They wiil request for Blue Notice,” suno kay Communications Undersecretary Claire Castro.
Pinaagi sa Blue Notice, ginaalerto sini ang dako nga international police organization sa bilog nga kalibutan agud makakolekta sang dugang nga impormasyon may kaangtanan sa identity sang tawo kag lokasyon ukon aktibidad may kaangtanan sa criminal investigastion.
Si Rep. Co amo ang chairperson sang House Committee on Appropriations kag gin-akusaran nga mastermind sa last-minute insertions sa ginaalegar iregularidad sa 2025 national budget kag siya man ang ginatudlo nagabaton sang kickbacks halin sa flood control projects kun sa diin ini tanan ang iya man nga ginpanginwala.
Suno sa mamalidha, may yara siya sang intensyon nga magbalik sa Pilipinas agud atubangon ang mga alegasyon sa “proper forum” apang wala niya gin-specify ang petsa sang iya pagbalik.
