Gin-eksplikar sang DOLE Capiz ang kinahanglan nga mahibaluan sang mga empleyado may kaangtanan sa Regularization Status.
Sa ginpatigayon nga PIA Kapihan: Episode 30 DOLE Capiz Updates, gintuad sang Labor and Employment Officer II sang DOLE CAPIZ nga si Ms. Mary Chris Medina nga kinahanglan klaro sa employer kag empleyado nga ang status sang ila ng pagasudlon nga trabaho una nga mangin probationary.
Kung ang empleyado ang may gin-pirmahan nga probationary contract kinahanglan magadugay lamang ini sa sulod sang anum ka bulan.
Suno kay Medina, pananglitan nga ang isa ka probationary wala sang may nabtaon sa assessment nagikan sa employer matapos ang nasambit nga bulan makabig na ini nga regular employee sang isa ka kompanya.
Apang ginklaro sini nga may yara sang iban nga kaso nga may mga kompanya ukon employeer nga naga hire sang automatic kag wala ginahinambal ang probationary period.
Kinahanglan man suno diri nga sa pagsugod pa lamang sa pagtrabaho sang empleyado may ara na ini sang mga benepisyo nga makuha kaangay sang Pag-Ibig, PhilHealth kag SSS subong man ang 13th month pay.
Pahayag pa sang Labor and Employment Officer II nga pag abot sa sweldo magapabilin sa gihapon sa minimum wage ang mabaton sang empleyado magluwas na lamang kung may yara sang kasugtanan ang kompanya nga pasakaan sang sweldo pananglitan nga mangin regular ang isa ka empleyado.
Sa pihak nga bahin kung ang isa ka empleyado ma-terminate ukon e-terminate sang kompanya nga wala sang due process may yara sang Two Notice Rule ang ahensya kung sa diin amu ang Illegal Dismissal kag 30 Days Notice Rule.
