DOLE, nagpanawagan sa mga private employers nga indi mag-istrikto sa ila mga empleyado sa tion nga may bagyo

Nagpanawagan si Department of Labor and Employment (DOLE) Secretary Bienvenido Laguesma sa mga private employers nga mangin halog sa mga empleyado nila sa tion nga malain ang tyempo.

Ginpakigbahin sini nga mahimo nga tugutan sang mga employers ang ila nga empleyado nga indi magsulod sa trabaho kun delikado ang sitwasyon.

Pagklaro sini nga may ginasunod nga layi diri ang “No Work, No Pay” policy kun mag-absent ang isa ka private employee.

Ginganyat na lamang sini ang mga employers nga intindihon ang mga empleyado nila kun mag-abent bangud sa malain nga panyempo kaysa hatagan sang penalidad.