ROXAS CITY – Naglab-ot sa $2.86 billion ang ginpadala sang mga overseas Filipino workers (OFWs) sang tinalikdan nga bulan sang Abril sini nga tuig.
Suno sa Bangko Sentral ng Pilipinas (BSP) nga apisar mataas ini sang 3.1 percent sadtong nakaligad nga tuig sa parehas nga bulan, ini na ang pinakamanubo sa 11 ka bulan.
Ang 3.1 percent nga pagtaas ang nagikan sa tatlo ka porsyento sang pagtaas sa remittance nga ginpadala sang mga land-based workers nga may masobra sa isa ka tuig nga kontrata kabaylo sang masobra $2.1 billion.
Ang sea and land-based nga may masobra isa ka tuig nga kontrata ang nagsaka sang 3.6 percent sa $620-M.
Isa sa mga posible nakit-an sang BSP nga pagnubo sang OFW remittance sa mga masunod nga bulan amu ang paghinay sang ekonomiya sa US kag iban nga pungsod nga magaresulta man sang pagkadula sang trabaho sang pila ka mga OFW.
