ROXAS CITY – Ginrespondehan sang mga otoridad ang isa ka dolphin nga nasapwan sa higad sang baybayon sa Barangay Pawa, Panay, Capiz.
Nakit-an sang isa ka residente ang dwarf sperm whale nga may kabug-aton nga nagalab-ot sa 400 kilos kag may kalabaon nga nagalab-ot sa walo ka tapak.
Sa interview sang Bombo Radyo kay Petty Officer 1st Class Allan Gervero, Philippine Coast Guard (PCG) Banica Sub-Station Commander, ginpahayag sini nga sa ila pagresponde kaupod ang Bureau of Fisheries and Aquatic Resources (BFAR) nahibaluan nga patay na ang nasambit nga dolphin.
Ginapatihan nga gindala sang mabaskog nga balod ang dolphin apang nabilin ini sa higad sang baybay sang naglow-tide ang tubig-dagat.
Posible nga napatay ang nasambit nga dolphin bangud wala na ini sa tubig bangud wala man sang may nakita nga pilas sa lawas sini.
Gilayon naman nga ginlubong ang nasambit nga dolphin.
