ROXAS CITY – Ginakasa na ang all-Filipino fight nanday nina World Boxing Council (WBC) bantamweight champion Nonito “The Filipino Flash” Donaire kag mandatory challenger Reymart Gaballo.
Apang indi kaangay sang iban nga sambuwa nga wala tuo ang banggianay, puro respeto ang nagaguwa sa mga bibig sang duha ka mga Pinoy pugs.
Pamatuod nga ‘Trabaho lang, walang personalan.’
Wala pa sang pormal nga petsa apang target ini nga pagahiwaton sa Disyembre 11, sa Amerika.
Excited na si Gaballo nga makasambuwa ang iya ginaidolo nga si Donaire.
Sa karon, yara sa istrikto nga pag-ensayo si Gaballo sa Miami, Florida kaupod si Trainer coach Osmiri “Moro” Fernandez.
Luyag ni Gaballo nga mapreparar ang iya kaugalingon sa pinakamabaskog nga hampang nga iya pagaatubangon.
Sa pihak nga bahin, nalipay si Donaire sa maayo nga pamatasan ni Gaballo nga gintawag sini nga may respeto kag mabuot nga tawo.
Samtang nagpromisa si Donaire nga indi sini pagpalutson si Gaballo sa tion nga mag-krus ang ila nga banas agud magmadinalag-on nga madepensahan ang iya titulo.
Plano kuntani nga mag-atubangay sanday Donaire kag World Boxing Organization (WBO) bantamweight champion John Riel Casimero.
Apang ginmandu sang WBC nga depensahan ni Donaire ang titulo sini kay Gaballo nga mandatory challenger.
