Ginsiguro sang Department of Transportation ang kahandaan sang ahensya sa palaabuton nga Undas sa bisperas subong nga bulan.
Suno kay DOTr Secretary Jaime Bautista, naka monitor ang ila ahensya kag iban pa nga attached agencies para sa preparasyon sang pagdamo sang mga pasahero nga magadagsa sa airports, seaports, kag sa bus terminals.
Ang mga nasambit nga ahensya nga kabulig sang DOTr amo ang Civil Aviation Authority of the Philippines (CAAP), Philippine Ports Authority (PPA), Manila International Airport Authority (MIAA), Cebu International Airport, kag Philippine Coast Guard.
Suno pa kay Bautista, padayon nila nga ginapatuman ang ‘Oplan Biyaheng Ayos’ para sa tanan nga pasahero.
Una na nga gin-anunsyo sang Land Transportation Franchising and Regulatory Board ang pag-granted sang mga permits sa 1,200 nga pang publiko nga mga salakyan kasubong sang bus, jeep kag iban pa nga public utility vehicles.
