Pila ka mga opisyales kag staff sang Department of Public Works and Highways (DPWH) ang ginpahalin sa ila pwesto, bangud sa alegasyon sang korapsyon kag iregularidad.
Gilayon naman nga ginbuslan bilang hepe sang Las Piñas–Muntinlupa District Engineering Office (LPM DEO) si Engineer Isabelo Baleros.
Ginsaylo naman si Baleros sa DPWH Metro Manila 3rd District Engineering Office sa idalum sang NCR Region, kag ginbuslan ni Engineer Ruel Umali suno sa memorandum nga ginpagwa ni DPWH Secretary Manuel Bonoan.
Ini nga lihok natabu lamang duha ka semana matapos nga pormal nga naghingyo si Las Piñas Lone District Rep. Mark Anthony Santos kay Bonoan nga pahalinon si Baleros bangud sa ginapahayag kwestyonable nga mga transaksyon, lakip na ang kontrobersyal nga pagsaylo sang pondo para sa flood control.
Ginbuyagyag ni Santos nga ginhingyo ni Baleros nga isaylo ang pondo para sa pila ka mga proyekto sa Las Piñas halin sa iya district office pakadto sa DPWH regional office sa NCR nga wala nagkonsulta sa Mayor’s Office, sa Office of the Representative in Congress, sa City Engineering Office, ukon sa City Council.
Sa sentro sang kontrobersiya amo ang ₱140-million nga proyekto sang C5 Diversion Road sa Barangay Manuyo Dos—ang pinakadaku nga alokasyon gikan sa kabug-usan nga ₱450.5-million nga pondo para sa imprastraktura sang Las Piñas subong nga tuig.
Base sa mga dokumento, sang Hunyo 9, 2025, nagsumiter sang sulat si Baleros kay DPWH–NCR Assistant Regional Director Montrexis Tamayo nga nagahingyo nga isaylo sa regional office ang implementasyon sang proyekto.
Ang request gin-aprubahan sang DPWH Assistant Secretary for Regional Operations Loreta Malaluan kag ginkumpirmar ni Bonoan sang Hulyo 15, 2025.
Ginhatagan pagtamod ni Bonoan nga manabat ang mga opisyales kag staff sang DPWH nga mapamatud-an nga responsable sa substandard ukon “ghost” flood control projects, kag ginpasalig nga pasakaan sila sang nagakaigo nga panumbungon kriminal.
