Gin-aprubahan sang bicameral conference committee (bicam) ang P529.6 billion budget para sa Department of Public Works and Highways (DPWH).
Ini ang nakakinot sang kabug-osan nga P20.7 billion kasunod sang reductions sang overpriced nga mga construction materials para sa government infrastructure projects.
Kasunod ini sang pagpadasig sang bicam sang deliberasyon sang P6.793 trillion nga national budget para sa fiscal year 2026 matapos ang apat ka adlaw.
Suno kay Senator Sherwin Gatchalian, chairman sang Senate committee on finance, ang savings ang resulta sang application sang Construction Materials Price Data, nga gin-provide ni Department Sec. Vince Dizon, sa ginabanta 10,000 nga proyekto.
“Base doon sa submission ng DPWH, sa bagong submission nila, na dito sa bagong adjustment factor, pinasok na nila ang logistics, pinasok na nila ang hauling cost at iba pang maging cost, so naging mas near actual, hindi pa actual, but near actual na ang cost nila,” suno kay Gatchalian.
Sa P20.7 billion savings, gin-realign sang bicam ang P16.52 billion sa Philippine Health Insurance Corporation (PhilHealth), samtang ang P4.25 billion ang gin-transfer naman sa National Disaster Risk Reduction and Management Fund.
