ROXAS CITY – Gin-anunsyo sang Department of Public Works and Highways (DPWH) ang completion sang duha ka mga proyekto nga malapit P100 million sa Capiz sa idalom sang Capiz First District Engineering Office.
Sa ginpasa nga report ni District Engineer Cecil Lawrence Cruz kay DPWH Region 6 Director Engr. Sonny Boy Oropel, ang mga proyekto amo ang provincial cultural and sports center sa Villareal Stadium sa Roxas City nga nagabalor P85 million kag ang farm-to-mill road sa Panitan, Capiz balor P12.7 million.
Ang cultural and sports center ang gindesinyo bilang premier venue para sa sports competitions, cultural performances kag community gatherings.
May yara ini sang malapad nga multi-purpose hall kag indoor sports area nga may bastante nga seating capacity nga makaakomodar sang dako nga tumalan-aw.
Ini man ang magaserbe bilang venue sang major regional events.
Samtang, ang farm-to-mill nga nagakonekta sa Barangay Balatucan kag Barangay Timpas ang may yara sang 556.5-lineal meter concrete road kag 152.88-meter stone masonry.
Antes pa man ang proyekto, nagakabudlayan ang mga mangunguma kag residente sa malutak nga alagyan sa diin masami nga indi malabayan sang salakyan kun naga ulan-ulan.
