ROXAS CITY – Arestado ang ginakabig Top 7 most wanted person sa provincial level, Top 3 sa banwa sang Pilar kag ginapahayag driver sang gunman nga nagluthang-patay kay Barangay Kapitan Frederick “Dikoy” Dullano sang Tabuc, Pontevedra Capiz kahapon nga adlaw Oktubre 22 takna 6:42 sang gab-i sa Barangay Linao, Panay, Capiz.
Matandaan ginkilala ang suspek nga driver sang motorsiklo kay GILBERT BACONG BERTE, 27- anyos kag tumandok sang Brgy. Cabungahan, Maayon apang temporaryo nga nagapuyo sa banwa sang Pilar.
Ginserbehan sang warrant of arrest sa kaso nga murder ang nasambit nga suspetsado sang gintingob nga pwersa sang Panay MPS, Pontevedra MPS, Pilar MPS, 2nd Maneuver Platoon, 1st Capiz PMC, 1st Capiz PMFC, PIU, kag Capiz PPO.
Ang warrant ang gin-isyu ni Hon. ESPERANZA ISABEL E. POCO- DESLATE, Presiding Judge, 6th Judicial Region, RTC-Br. 19, Roxas City napetsahan Oktubre 7, 2022.
Wala sang ginrekomendar nga piyansa ang korte para sa iya temporaryo nga kahilwayan.
Yara sa karon na paghinakop sang Panay MPS ang suspek para sa nagakaigo nga disposisyon
