ROXAS CITY – Dead on arrival ang 51-anyos nga driver sang motorsiklo matapos nabungguan ini sang van sa Barangay Mianay, Sigma, Capiz.
Ginkilala ang biktima kay Roel Delgado Sr., 51-anyos sang nasambit nga lugar.
Nagaguwa sa imbestigasyon sang Sigma PNP nga gikan ang van sa banwa sang Mambusao kag ginamaneho ni Lemuel Laz Vito sang Barangay Tiza sining siyudad, apang pag-abot sa Barangay Mianay, Sigma, aksidente nga nabungguan ang motorsiklo nga ginamaneho sang biktima.
Bangud diri natumba ang motorsiklo sang biktima kag tumampilak ini sa dalan.
Madasig naman nga gindala ang biktima sa ospital apang gindeklarar nga dead on arrival sang doktor.
Samtang, ginpadangat naman sa ospital ang driver sang van matapos nagtaas ang blood pressure sini matapos ang aksidente.
