-- ADVERTISEMENT --
ROXAS CITY – Pilas kag pagpalanakit sa lawas ang naangkon sang isa ka driver sang motorsiklo, matapos aksidente nga bumunggo sa nagapark nga grader sa kilid sang dalan sa Barangay Poblacion, Tapaz, Capiz.
Ginkilala ang biktima nga si Felix Berto Collado, 63-anyos, kag residente sang Santa Petronila sa amo nga banwa.
Sandig sa impormasyon nga nakuha sang Bombo Radyo nagikan sa Bureau of Fire Protection (BFP) Tapaz, ginpahayag nga nakainum sang makahulubog nga ilimnon si Collado.
Madasig naman nga ginrespondihan sang katapo sang BFP Tapaz si Collado agud dapatan sang pauna nga pagbulong, apang nagpamalibad ini nga dal-on sa ospital.
Sa karun yara na sa hilway nga sitwasyon ang biktima.
-- ADVERTISEMENT --
