Driver sang motorsiklo pilason matapos nabungguan sang truck

Roxas City – Pilason ang driver sang motorsiklo matapos ginbungguan sang truck sa Barangay Punta Tabuc, Roxas City.

Ginkilala ang napilasan kay Jomar Boyson sang Barangay Balucuan, Dao, Capiz.

Sa imbestigasyon sang Roxas City PNP nagaguwa nga samtang ginasubay sang biktima ang dalanon sakay sa iya motorsiklo aksidente ini nga nabungguan sang truck nga ginamaneho ni Christopher Malco 37-anyos sang Paulo Maestra Vita, Oton, Iloilo.

Bangud diri, nag-angkon sang magkatuhay nga mga pilas sa lawas si Boyson kag gilayon nga gindala sa ospital para madapatan sang nagakaigo nga pagbulong.

Samtang, yara naman sa kustodiya sang Roxas City PNP ang driver nga si Malco.