-- ADVERTISEMENT --
ROXAS CITY – Padayon nga ginabulong sa ospital ang isa ka babayi nga driver sang motorsiklo matapos nga ginaalegar aksidente nga nabungguan ang traysikad sa Barangay Poblacion Norte, Ivisan, Capiz.
Ginkilala ang biktima nga si Christine Joy Valbares sang nasambit nga lugar.
Base sa inisyal nga imbestigasyon sang Ivisan Municipal Police Station nga gikan ang amo nga babayi sa Barangay Cudian sang hinali na lamang nga nabungguan ang nalikod nga porsyon sang traysikad ni Reynaldo Villanueva, 50 anyos sang Barangay Cudian, Ivisan, Capiz.
Bangud diri, nag-angkon sang kasamaran ang amo nga babayi nga gilayon naman gindala sa malapit nga ospital samtang ang traysikad driver naman ang nag-angkon sang menor nga pilas sa kalawasan.
