Hugot nga nagapamatok ang mga Drivers and Operators sa posible pagsulod kag pagbyahe sang Ceres Bus sa banwa sang Sapian nga magasugod na sa bulan sang Marso.
Sa interview sang Bombo Radyo Kay Mr.Jay R Baldesimo, Driver sang Jeep, ginpahayag sini nga posible maapektuhan ang ila pangabuhianan pananglitan madayon ang plano nga pag-operate sang Ceres Bus nga magabyahe kalibo –Roxas via Sapian.
Pahayag sini nga nagsumiter na sila sang petition sa Land Transportation Franchising and Regulatory Board (LTFRB) kag sa local nga gobyerno sa ila nga banwa nga kun mahimo limitahan ang pagpick-up sang parahero sa ila nga ruta kag bilang pagsunod sa nakasugtanan apang tubtob sa karon para pa ini sang update.
Dugang pa ni Baldesimo, dako nga bagay ini para sa ila nga mga drivers kag operators bangud kun sa subong mahina na ang pamasayrohan ano pa ayhan kun yara na sang Bus nga nagabyahe sa ila nga ruta.
Suno pa sa amo driver, kun kaisa yabi nalang ang ila ginauli sa operator bangud kulang pa sa ila pagkaon ang ila nga kita sa ila pagpamasada.
Gani, panugyan sini sa mga natungdan nga kun mahimo mapamatian man ang ila nga hinyo kag luyag man sini mahibaluan ang prangkisa sang amo nga bus.
Sa karon, nagahulat na lamang sila sa desisyon kag sabat sang LTFRB sa petition nga ila ginaduso.
