ROXAS CITY– Karsel ang ginsudlan sang mag-utod nga pakaisa sang anay punong barangay matapos naaresto sa drug buy bust operation sa Barangay Culasi, Roxas City.
Ginkilala ang mga suspek nga sanday Anthony Almalbis kag Vergel Almalbis mga residente sang nasambit nga lugar.
Narekober sa mga suspek ang 39 ka sachet sang shabu nga may market value nga P39,000, duha ka improvised explosive device (IED),digital weighing scale, cellphone, salakyan nga gingamit nila sa transaksyon kag P1,000 nga marked money.
Sa exclusive interview sang Bombo Radyo Roxas kay Police Supt. Dante Tayco, hepe sang Roxas City Police Station ginpahayag sini nga madugay na nila nga ginamonitor ang aktibidad sang mag-utod antes ginpatigayon ang operasyon.
Natalana nga pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002 ang mag-utod.
