Drug personality nasapwan nga patay sa payag

ROXAS CITY – Patay na sang masapwan sa ginapuy-an nga payag ang drug personality sa Barangay Punta Tabuc, Roxas City.

Ginkilala ang biktima nga si Manolito Bergantinos alyas Oying 37-anyos nga nag-angkon sang pilas sa tiyan kag liog nga ginapatihan sang ginkuga sang wala pa makilala nga suspek.

Nagapati si Maricel Bergantinos, utod sang biktima nga may foul play sa pagkamatay sang utod bangud sa naglapta nga mga kagamitan sang payag.

Gin-ako sang ginang nga nagagamit sang iligal nga droga ang utod, apang indi ini pusher.

Samtang daku ang posibilidad nga lansehanay sa droga ang motibo sa krimen.