ROXAS CITY – Arestado ang isa ka lalaki sa ginkasa nga drug buybust operation sang Station Drug Enforcement Team sang Roxas City Police Station sa Barangay 7, Roxas City.
Ginkilala ang suspek kay Renely Albert Andrada, drug surrenderer man sang nasambit nga barangay.
Suno sa suspek nga nagakatulog ini sa sulod sang ila balay sang gindakop sang mga operatiba.
Aminado ang suspek nga sadto nagagamit siya sang ilegal nga droga apang iya ini nga gin-untat kasunod sang pag-surrender sa mga otoridad.
Hugot ang pagpanginwala ni Andrada nga nagaduso siya sang ilegal nga droga kag ginabasol pa ang iya iloy nga sa iya pagpati amo ang nagpadakop sa iya.
Narekober sa suspek ang isa ka sachet sang ginapatihan shabu, kag 500 pesos nga marked money.
Magapangatubang ang suspek sa panumbungon nga paglapas sa Republic Act 9165 ukon Comprehensive Dangerous Drugs Act of 2002.
