ROXAS CITY – Arestado ang isa ka drug surrenderer kag isa ka menor de edad sa ginpatigayon nga drug buy bust operation sang Provincial Drug Enforcement Unit (PDEU) kag Provincial Drug Enforcement Agency (PDEA) sa Barangay Culasi, Roxas City.
Ginkilala ang mga nadakpan nga sanday Mike Anisco 30-anyos kag isa ka menor de edad.
Ginpanginwala ni Anisco nga sa iya nagikan ang mga narekober nga shabu.
Suno kay Anisco nga nakibot ini nga gin-aresto siya sang mga otoridad bangud nagalantaw lamang sila sang away sang palapitan sang mga pulis kasunod ang pagkastigo kag pagdala sa ila balay.
Aminado ang drug suspek nga nagagamit ini sadto sang shabu apang wala nagatulak sang iligal nga droga.
Samtang narekober sa mga suspek ang lima ka sachets sang shabu, duha ka unit sang cellphone kag mga drug paraphernalia.
