Drug surrenderer nga nadakpan sa ginkasa nga drug buybust operation, natalana nga pasakaan sang panumbungon

ROXAS CITY – Natalana nga pasakaan sang panumbungon nga RA 9165 ukon Comprehensive Dangerous Drugs Act of 2002 ang isa ka drug surrenderer matapos nga nadakpan sa ginkasa nga drug buybust operation sa Barangay Poblacion Sapian, Capiz.

Ginkilala ang arestado nga si Ludivico Lozada, 37-anyos anay drug surrenderer sang Sitio Bangkal Barangay Maninang Sapian, Capiz.

Narekober sa arestado ang apat ka plastic sachets sang ginapatihan nga shabu, P600 nga buybust money, isa ka tricycle kag mga drug pharapernalias.

Nahibaluan nga nagsurrender sa mga kapulisan sang tinalikdan nga oplan tokhang ang nasambit nga suspek

Sa karun nakahunong na sa karsel sang Sapian Municipal Police Station si Lozada.