ROXAS CITY – Posible nga nagsala lamang ang petsa nga ginbutang sa resolusyon nga ginsumiter sang konseho sa Department of Interior and Local Government (DILG).
Ini ang nangin paathag ni Municipal Local Government Operations Officer Jose Aurelio Roldan angot sa ginareklamo nga indi ensakto nga pag-appoint sa isa ka opisyal sa Barangay Sta. Fe banwa sang Pilar.
Suno kay Roldan nga nagabaton lamang ini sang mga dokumento sa diin ginpahayag man sang mga barangay officials nga nagsala lamang ang pag-type sa computer sa diin nabutang sa resolusyon ang petsa nga Hunyo 1.
Dugang pa sini nga kun ginakwestyon man nila ang DILG ginpakamaayo sini nga ang korte na lamang ang magsabat sa ila nga reklamo.
Matandaan, sang damlag lang ginareklamo sang wala na ginhingadlan nga concerned citizen ang indi ensakto nga proseso sa pag-appoint sa nabakante nga pwesto sa barangay kagawad.
Kasunod ini sa pagpungko ni anay Kapitan Antonio Bargo bilang Sangguniang Bayan member kag pagtal-us sa iya ni anay barangay kagawad Alan Cahurao bilang kapitan.
