Naglab-ot na sa masobra P42-M ang humanitarian assistance nga gindul-ong sang Department of Social Welfare and Development sa mga pumuluyo nga apektado sang nagapadayon nga paglupok sang Bulkan Kanlaon sa Isla sang Negros.
Sa isa ka pahayag, ginpahayag sang ahensya nga lakip sa ila gindul-ong amo ang family food packs para sa mga apektado nga pamilya.
Magluwas diri, naghatag man sila sang non-food items nga ginalakipan sang family kits kag sleeping kits ilabi na sa mga evacuees.
Sa pinakaulihi nga datos sang DSWD, masobra 46,465 ka mga indibidwal katumbas sa masobra 11,000 ka pamilya ang apektado gikan sa Western kag Central Visayas bangud sang paglupok sang bulkan.
Halos lima ka libo ka mga pamilya ang temporaryo nga nagatinir sa designated evacuation centers sa Isla sang Negros.
