Umpisahan na sang Department of Social Welfare and Development (DSWD) sa Marso 17 ang pagpanagtag sang P5,000 nga cash assistance sa mga public utility vehicle (PUV) drivers nga apektado sang mga nagasaka nga presyo sang langis.
Suno sa DSWD ang una nga makabaton sang payouts ang mga tricycle drivers sa Metro Manila.
Yara sa 139,000 sang mga tricycle drivers sa National Capital Region ang magabenepisyo sa inisyal nga rollout sang gobyerno.
Ang nasambit nga pondo ang nagikan sa Assistance to Individuals in Crisis Situation (AICS) program sang DSWD.
Paathag ni DSWD spokesperson Assistant Secretary Irene Dumlaon, ginakabig nila ang mga drivers bilang indibidwal nga nagapangatubang sa economic distress bangud sa padayon nga pagtaas sang presyo sang langis.
