Magabutang ang Department of Transportation (DOTr) sang dugang nga K9 units sa mga estasyon sang Metro Rail Transit Line 3 (MRT-3) kag subong man sa mga estasyon sang Light Rail Transit (LRT) bilang dugang nga seguridad.
Sa inspection ni Transportation Secretary Vince Dizon, natukiban sini nga isa sa mga rason sang malaba nga pila sa mga estasyon sang MRT amo ang pag-agi sang mga gamit sang mga pasahero pinaagi sa x-ray scanners.
Ginpahayag ni Dizon nga makabulig sa mga pasahero kag malikawan ang malawig nga pila kun dalayon nga kakason ang mga scanner sa mga istasyon.
Amo ini ang rason kon ngaa maga-assign ang ahensya sang dugang nga K9 units sa mga istasyon para sa mas madasig nga pagtsekyar sang mga gamit kag bagahe sang mga pasahero.
Samtang, ang tagdumalahan sang tren ang may yara man sang artificial intelligence enabled CCTV cameras bilang kabahin sang ila inisyatibo agud mapadasig ang pila nga wala ginakompromiso ang kaluwasan kag seguridad sa mga estasyon.
