IVISAN, CAPIZ- Ginpanagtag sang Task Force Pagdumdum ang panibag-o nga batch sang mga food packs sa banwa sang Ivisan, Capiz kahapon nga adlaw, Oktubre 27, 2025.
Sa interview sang Bombo Radyo kay Mayor Felipe Neri Yap sang amo nga banwa, iya ginpahayag nga ini ang kasunod sang iya nga pagpangabay kay Capiz Governor Fredenil H. Castro para sa dugang nga bulig sa mga coastal barangays nga naapektuhan sang pagbaha.
Suno kay Mayor Yap, personal nga nagpadulong sa Ivisan si Governor Castro agud i-turn over ang mga food packs nga nagikan sa Department of Social Welfare and Development (DSWD).
Nahibaluan nga yara sa 25,000 boxes sang food packs ang gindugang hatag sa amo nga banwa.
Gintambungan man sang mga Punong Barangay kag mga pumuluyo ang distribusyon sa banwa sang Ivisan. Nagpalab-ot naman sang pagpasalamat ang alkalde sang Ivisan sa Gobernador sang probinsya sa pagpamati sini sang iya nga mga pangabay para sa mga pumuluyo nga iya nasakupan.
Interviewed by Bombo Sunnie Mae Constantino Batencila
