Nagapati ang anay mamalidha nga indi sa gihapon bastante ang ginaduso nga P7.2 trillion national budget para sa mga ordinaryo nga Filipinos bangud padayon nga nagataas ang presyo sang balaklon.
Sa interview sang Bombo Radyo kay Atty. Nathaniel Oducado, iya ginpahayag nga base sa iya assessment, ang alokasyon sang Visayas region ang nagsaka lang sang 1.2% ukon 1.3% percent.
Ang Visayas may yara sang 19% nga populasyon sang pungsod apang yara lang sa 16% ang national budget.
Suno kay Atty. Oducado, masami nga gina-igo sang bagyo kag iban nga kalamidad ang Visayas kag ini man ang may yara sang importante nga katungdanan sa agrikultura kag iban pa nga industriya.
Mas maayo kuntani pahayag niya nga mabutangan sang dugang nga pondo ang Visayas para sa agrikultura kag long-term projects nga makahimo sang trabaho kag oportunidad nga wala nagadepende sa ayuda ang mga pumuluyo.
Ginpunto man sang natungdan nga kinahanglan may yara sang tingog ang ordinaryo nga pumuluyo sa national budget process.
