Nasapwan ang Duha ka mga security guard nga wala na sang kabuhi kag nagasuprer sang igo sang bala sa opisina sang Bureau of Internal Revenue (BIR) sa Ipil, Zamboanga Sibugay.
Suno sa kapulisan, magluwas nga nadula ang CCTV camera sa opisina, nadula man ang modem kag memory card sini.
Nadula man ang service firearms sang duha ka mga biktima nga gin-alegar ginkuha sang mga suspetsado.
Nakita man sang mga awtoridad nga ang mga kompyuter sa opisina ginbubuan sang gasolina, ang isa ka asero nga kabinet bukas, kag ang mga dokumento naglinapta.
Suno sa Zamboanga Sibugay Police Provincial Office, indi magnubo sa lima ka igo sang bala ang naangkon sang isa sa mga biktima, samtang tatlo naman ka igo sang bala ang naangkon sang isa pa ka biktima.
Ginasuspetsahan nga pila na ka oras nga patay ang mga biktima sang nasapwan ang ila mga bangkay.
Kalakip sa mga nakit-an sa crime scene amo ang tatlo ka wala unod nga bullet casings, apat ka fired bullets halin sa .9mm caliber handgun, kag tatlo ka shotgun shells.
Padayon ang imbestigasyon sang kapulisan agud mahibaluan ang mga naghimo sini kag ang motibo sa krimen.
