Patay ang isa ka maintenance worker sang Department of Public Works and Highways (DPWH) sini nga Huwebes sang aga matapos natabunan sang landslide sa tunga sang padayon nga pag-ulan tuga sang shearline kag Northeast Monsoon.
Suno sa report, lima ka mga maintenance staff ang nagamando sang trapiko samtang nagapatigayon sang clearing operations sang hinali nga narumpag ang duta.
Tatlo sa mga trabahador ang gilayon nga nakapalagyo, samtang ang isa naman ang naga-uyat sa poste sang kuryente kag nag-angkon lamang sang sprain. Ang ikalima nga trabahador natabunan sang pagtiphag sang duta kag gindala sa Rural Health Unit, sa diinsang ulihi ginbawian ini sang kabuhi.
Nagpalab-ot naman sang simpatiya ang mga opisyal sang DPWH kag nagpanindugan nga nagatrabaho ang ila team sa tunga sang delikado nga kahimtangan bangud sa wala untat nga pag-ulan. Nagpasalig man ang ahensya sang bug-os nga suporta sa pamilya sang biktima kag mga kaupdanan nga apektado sang insidente.
Magluwas sa halos isa ka semana nga wala untat nga pag-ulan, ang banwa sang Sta. Praxedes ang magnitude 5.0 nga linog nga nag-igo sa Ilocos Norte kahapon, Nobyembre 27 nga mahimo isa sa mga gintunaan sang pagtiphag sang duta sa amo nga lugar.
