Arestado ang duwa ka lalaki, matapos nga ginserbehan sang warrant of arrest sa Pueblo de Panay, Barangay Lawaan, Roxas City.
Ang mga arestado amu sanday, alyas “Reymark”, 27-anyos kag alyas “Bence”, 30-anyos nga lusay residente sang Sitio Relis, Barangay Lanot, Roxas City.
Sa impormasyon nga nakuha sang Bombo Radyo nagikan sa Roxas City Police Station, ginapahayag nga nagapangatubang sa kaso nga Attempted Homicide ang amu nga mga lalaki.
Ang warrant of arrest ang gin-isyu ni Hon. Joan Marie B. Bargas-Betita, Presiding Judge, Regional Trial Court, Branch 14, Roxas City, Capiz kag napetsahan Mayo 2, 2025.
Ginrekomendar naman sang korte ang balor P36,000 nga pyansa kada isa para sa temporaryo nga kahilwayan sini.
Sa karon, nagapabilin ang mga ini sa kustodiya sang Roxas City Police Station para sa nagakaigo nga disposisyon.
