Duha (2) ka linog ang nagtay-og sang kadagatan malapit sa Balut Island, Sarangani, sang gab-i sang Biyernes, Enero 9, suno sa report sang Philippine Institute of Volcanology and Seismology (Phivolcs).
Ang una nga linog, nga may kabaskugon nga 6.8, nag-igo mga alas 10:58 sa gab-i.
Suno sa Phivolcs, ang epicenter sini ang nahamtang mga 315 kilometers Southeast sang Balut Island, nga may kadalumon nga 10 kilometers.
Nabatyagan ang linog sa mga masunod nga lugar: Malungon kag Kiamba sa Sarangani; Koronadal City kag Tupi sa South Cotabato; kag Palimbang sa Sultan Kudarat (Intensity II).
Nabatyagan man ang linog sa Magsaysay sa Davao del Sur; Sta. Maria sa Davao Occidental; Nabunturan, Davao de Oro; Maitum kag Malapatan sa Sarangani; Banga, Tampakan, T’Boli, Surallah, kag Santo Niño, South Cotabato; kag General Santos City (Intensity I).
Wala naman sang ginapaabot nga kahalitan gikan sa duha ka narekord nga linog ukon bisan ano nga mga aftershock.
