Duha ka mabaskog nga aftershocks ang nag-igo sa Afghanistan sa nakaligad nga 12 ka oras kahapon nga adlaw.
Kasunod ini sang mabaskog nga magnitude 6.0 nga linog nga nagtay-og sa pungsod sang nagligad nga apat ka adlaw, nga nagpatay sang 2,205 ka tawo kag nagpilas sang 3,640.
Ginakabalak-an nga magataas pa ang numero sang mga nagkalamatay kag pilason kasunod sang mabaskog nga aftershocks.
Suno sa report sang lokal nga media, padayon nga naga-igo ang aftershocks sa probinsya sang Nangarhar kag ginahibalo pa ang mga detalye sang halit nga gintuga sang mabaskog nga aftershocks.
Nagpaandam man ang United Nation kag iban pa nga mga ahensya sang isa ka kritikal nga kinahanglanon para sa pundo, pagkaon, medical supplies kag puluy-an para sa mga nakalampuwas sa linog.
Bilang sabat, ang World Health Organization (WHO) naga-apelar sang $4 milyones nga pondo para sa mga biktima sang linog sa Afghanistan.
