Duha ka mga indibidwal, patay matapos nga nahulog sa runway ang cargo plane sa Hong Kong airport

Patay ang Duha ka indibidwal, matapos nahulog ang cargo plane sa runway sa Hong Kong airport.

Suno sa international airport, nakaluwas ang apat ka crew members nga sakay sang aircraft (flight EK9788).

Ginklaro naman sang mga otoridad nga indi pasahero sang cargo plane ang mga napatay.

Base sa local reports, ang mga napatay amo ang duha ka tawo nga yara sa ground vehicle nga naigo sang aircraft.

Padayon naman ang imbestigasyon sang mga otoridad sa gintunaan sang insidente.

Sa subong, temporaryo nga ginsarado ang northern runway samtang nagapabilin naman nga bukas kag padayon ang operasyon sa south kag central runways.