Duha ka pampasahero nga bus, gindala sang landslide sa Nepal

Missing pa sa subong ang 62 ka pasahero matapos madala sang landslide ang duha ka bus sa isa ka suba sa Nepal.

Ginpatigayon ang search and rescue operation sang militar kag pulisya sa Trishuli River sa Chitwan district, 86 km nagikan sa Kathmandu.

Mabudlay ang ginhimo nga pag-rescue kag pagpangita sa mga missing bangud sa mataas nga tubig kag lapok sa suba.

Tatlo ka pasahero ang nakaluwas nga may minor injuries matapos naglumpat nagikan sa bus bag o ang landslide, kag kalakip sa mga missing ang pito ka Indian nationals.

Nagpahayag sang pagkig-unong si Prime Minister Pushpa Kamal Dahal kag nagpromisa nga mas pagsanyugon pa ang search and rescue operations.