ROXAS CITY – Dakop ang duha persona sa ginpatigayon nga Drug buy-bust operation sang Provincial Drug Enforcement Unit (PDEU) sang Kalibo Aklan.
Ginkilala ang mga nagkaladakpan nga sanday John Michael Pedad 22-anyos kag Rodbelle Dasas 29-anyos lunsay residente sang syudad sang Roxas.
Sa interview sang Bombo Radyo Roxas kay PLTCOL. Frensy Andrade,Team leader sang operating team Aklan PDEU ginsiling sini nga sadtong Pebrero 12,2022 alas 7:30 sang gab-e sang ginkasa ang buy bust operation sa nasambitan nga mga suspetsado.
Narecover sang (PDEU) kag Kalibo PNP sa mga suspek ang isa ka sachet suspected shabu, P3,000 nga buy-bust money kag pila ka mga paraphernalias. Sa karun yara na sa karsel sang Kalibo PNP kag maga-pangatubang sa paglapas sang RA 9165 ukon Comprehensive Dangerous Drugs Act of 2002.
