Dakop ang duha ka persona sa ginkasa nga drug buy bust operation sa Sitio Railway, Barangay Punta Tabuc, Roxas City.
Ginkilala ang mga nagkaladakpan nga sanday alyas John, 27-anyos residente sang nasambit nga lugar kag alyas Kent , 38-anyos nga residente naman sang Barangay Tiza,sining syudad.
Nakuha sa paghinakop sang mga suspek ang lima (5) tanan ka sachets sang ginapatihan shabu nga ginabulubanta may kabug-aton nga (4) ka gramos kag may standard drug price nga nagabalor sang P27,200., 100, buy bust maoney ,P1,400.00 nga counterfeited money sa magkalain lain nga denominasyon kag isa ka coin purse nga nagaduag itom.
Samtang,isa naman ka drug surenderee si alyas john kag nalakip man sa listahan sang BADAC sa ila barangay.
Magapangatubang sang kaso nga paglapas sa RA 9165 Comprehensive Dangerous Drugs Act of 2002 ang nasambit nga mga persona.
Sa karon, yara na ang mga ini sa karsel sang Roxas City Police Station para sa nagakaigo nga disposisyon.
