ROXAS CITY-Pilason ang duha ka mga persona kalakip ang isa ka Barangay Tanod sa serye sang bun-anay sa Barangay San Juan, Dumarao Capiz.
Ginkilala ang mga nagkalapilasan nga sanday Oldarico Poral residente sang Barangay Traciano kag Rene Calinao, Barangay Tanod kag residente sang nasambit nga lugar.
Sandig sa inisyal nga imbestigasyon sang Dumarao Municipal Police Station nagaguha nga una nga ginbuno sang ni Calinao si Poral matapos nga nag-angkon sang indi pag-intindihanay ang duha ka mga persona.
Ginaalegar nga ginsita ni Calinao si Poral sang nagpadulong sa amo nga lugar.
Nag-angkon sang menor nga pilas sa dughan so Poral nga gindala sa ospital apang makaligad nga gindapatan sang pagbulong, gilayon man nga ginpaguwa sa amo nga pasilidad.
Samtang ang madasig nga nagpalagyo si Calinao nga ginbuno man sang suspek nga ginkilala nga si Kim Olarte, 21-anyos residente sang amo man nga lugar.
Nag-angkon sang madamo nga pilas sa magkatuhay nga porsyons sang kalawasan si Calinao nga gindala sa Dao District Hospital kag padayon nga ginabulong.
Samtang boluntaryo naman nga nagsungka sa mga kapulisan si Olarte.
