Arestado ang duha ka mga Street Level Individuals (SLI) sa ginpatigayon nga buy-bust operation sa Poblacion Ilawod, Panitan, Capiz.
ang mga arestado amo sanday alyas Ely, 43-anyos, isa ka drug surrenderee kag residente sang Barangay Agkilo, Panitan, kag alyas Marie, 45-anyos, nga residente naman sang Barangay Balatucan, Panitan.
Sa interview sang Bombo Radyo kay PCPT Merry Chris Dela Cruz, Hepe sang Panitan Municipal Police Station, iya ginpahayag nga na-recover sa mga arestado ang tatlo tanan ka sachet sang suspected shabu nga may kabug-aton nga ginabanta sa 18 grams kag may Standard Drug Price nga P122,400
Suno kay Dela Cruz, lunsay yara ang mga ini drug watchlist nga ginamonitor na halin pa sang Enero.
Sa subong preso na ang mga arestado sa Panitan MPS kag magapapangutbang sang kaso sa paglapas sa Republic Act 9165 ukon Comprehensive Dangerous Drugs Act of 2002.
