Bukas si Senator Robin Padilla nga mangin running mate ni Vice President Sara Duterte sa 2028 elections.
Si Duterte ang magapadalagan sa pagka-presidente samtang si Padilla naman sa pagka-bise president.
Suno sa senador, kun hingyuon man sa iya ni former President Rodrigo Duterte nga maka-tandem si Vice President Sara, indi niya ini pagbalibaran.
Apang pahayag sang senador, antes siya ikonsidera nga mangin running mate ni VP Sara, may yara sang heirarcy, sa diin mauna anay sanday Senators Imee Marcos, Alan Peter Cayetano, Bong Go kag Bato dela Rosa.
Matandaan nga ang asawa ni Padilla nga si Mariel ang una na nagpaguwa sang pahayag nga indi na magpadalagan si Senator Robin sa ano man nga pwesto sa 2028 elections bangud indi deserve sang publiko ang actor-politician.
