Ginpakita ni Senator Raffy Tulfo ang video nga nagapadayon sa gihapon ang operasyon sang “online sabong”, ukon e-sabong, sa pihak sang nationwide ban order.
Suno kay Tulfo, ang nasambit nga online sabong ang ginapanag-iyahan sang isa ka Kingpin halin sa Central Luzon kag ginkwestyon ang mga otoridad kun ngaa tubtob subong wala pa ini nadakpan kag napasirado.
Pahayag niya, mga magagmay lamang nga operators ang gina-una kag indi ang mga dalagko.
Paathag naman sang Cybercrime Investigation and Coordinating Center (CICC), padayon nila nga gina-monitor ang mga website kag gilayon nga ginapasirado apang liwat lang nga nagahimo sang panibag-o nga website ang mga operators.
Sandig sa report sang Philippine National Police (PNP)humalin sang 2022, may yara sang indi magnubo sa 7,135 e-sabong sites ang ginsirado.
