CAPIZ – Magasugod na sa Enero 31 ang Early Registration sang Department of Education-Capiz Division para sa mga estudyante.
Sa interview sang Bombo Radyo kay Yzarda Claudette Ballera, Division Information Officer sang Department of Education-Capiz Division, iya ginpahayag nga ang nasambit nga registration ang para sa mga incoming kinder, grade 1, grade 7 kag senior high school.
Suno kay Ballera, tinutuyo sang nasambit nga aktibidad ang masiguro ang bastante nga budget sa numero sang mga estudyante para sa pagbukas sang klase.
Pahayag pa niya, hugot nga ginabawal ang pagkolekta sang anuman nga kantidad para sa nasambit nga registration.
Dugang pa sang natungdan, mahimo magpadulong sa pinakamalapit nga eskwelahan kun may yara sang mga pamangkot nahanungod sa pagparehistro.
INTERVIEWED BY: BOMBO ROADNIE DABAN DALANON VIA ZONA LIBRE
