Ginpatigayon ang Emergency Cash Transfer ukon ECT payout sang Department of Social Welfare and Development Field Office VI sa banwa sang President Roxas, Capiz agud makahatag sang pinansyal nga bulig sa mga lokal nga mangunguma, land owners kag agricultural workers nga naapektuhan sang Red-Striped Soft Scale Insect ukon RSSI infestation.
Sa interview sang Bombo Radyo kay President Roxas Capiz, Mayor Receliste Escolin, iya ginpahayag nga padayon man ang pagmonitor sang Department of argiculture sang probinsya kag ginahatagan man sang mga bulong ang mga mangunguma nga apektado sang RSSI.
Suno kay Escolin, ginasirudo kag ginavalidate nga ang tanan nga benisyaryo nga mangunguma nga apekto ang makabton sang ayuda.
Nahibaluan nga Personal nga nagmonitor si DSWD Secretary Rex Gatchalian sa pagpanagtag sang ayuda sa 2,914 ka kwalipikado nga benepisyaryo sang banwa.
