Makuntra ni EJ Obiena ang pila sa mga pinakamayad nga atleta sa Pole Vaulters sa 2025 Mondo Classic nga pagahiwaton sa IFU Arena sa Uppsala, Sweden, sa Huwebes, Marso 13.
Pangunahan sang elite pole vaulters nga si world record holder Mondo Duplantis ang nasambit nga kumpetisyon.
Samtang ini na ang ulihi nga indoor event ni Obiena bag-o ang iya nga paghanda para sa outdoor season, kun sa diin makigbahin siya sa tatlo ka kumpetisyon kasubong sang Asian Championships sa Gumi, South Korea nga pagahiwaton sa Mayo 21 tubtob 31, World Outdoor Championships sa Tokyo, Japan, sumugod Setyembre 13 tubtob 21, kag ang Southeast Asian Games sa Bangkok, Thailand nga pagahiwaton sa Disyembre 7 tubtob 19.
Nagalaum naman si Obiena nga makakuha pa sang isa pa ngakahigayunan agud maka-podium sa Mondo Classic, matapos magdaug sang bronze medal sadtong nakaligad nga tuig sa iya nga countback nga may marka nga 5.91 meters.
