Ginalauman sang Asian Development Bank (ADB) nga magadabong ang ekonomiya sang Pilipinas sang 6 percent subong nga 2024, kasunod sang 5.5-percent expansion sadtong 2023.
Sa latest Asian Development Outlook, ginbulubanta sang ADB ang 6.2 percent gross domestic product (GDP) growth para sa Pilipinas sa masunod nga tuig, rason agud mangin isa ini sa fastest-growing economies sa Asia.
Samtang ang growth forecasts sang global financial institution para sa Pilipinas para sa 2024 kag 2025 ang wala nagbag-o.
Ginpahayag sang ADB nga ang nagahinay nga inflation kag ang ginalauman nga monetary easing sa second half sang 2024 ang magasuporta sa household consumption kag investment.
Ginpabilin sang ADB ang inflation forecast sini para sa Pilipinas sa 3.8 percent sa 2024 kag 3.4 percent sa 2025.
