Ginapreparahan ni Karl Eldrew Yulo ang Asian Gymnastics Junior Championships kag Junior World Championships subong nga tuig.
Suno kay Eldrew, adlaw-adlaw siya nga naga-ensayo, apisar wala ang iya nga coach nga si Munehiro Kugimiya, nga amu man ang nagtudlo sa iya utod nga si Carlos Yulo.
Matapos ang madinalag-on nga training sa Japan sadtong Oktubre, nakatalana nga depensehan ni Eldrew ang iya nga titulo sa vault apparatus sang Asian Junior Championships sa South Korea halin Hunyo 12 tubtob 16. Magasunod naman ang Junior Worlds sa Manila halin Hulyo 12 tubtob 21.
Magluwas sa bulwan nga medalya sa vault sa Asian Championships sa Uzbekistan, nagdaog man ini sang walo ka gold medal sa Chiu Wai Chung Cup sa Hong Kong sadtong Disyembre. Bangud sini, ginhatagan ini sang Special Citation sa 2024 PSA Awards Night.
Target sang mag-utod nga Yulo nga magkaupod nga maghampang sa 2028 Los Angeles Olympics.
