ROXAS CITY, CAPIZ- Pormal na nga nagsumpa ang mga napilian nga opisyal sang Roxas City, Capiz subong nga adlaw, Hunyo 11, 2025 nga ginhiwat sa Ang Panublion Museum, Roxas City, Capiz.
Ini ang ginakalakipan nanday re-elected Mayor Ronnie Dadivas, Vice Mayor Inday Teresa Almalbis, kag napulo ka mga city councilors nga nangin madinalag-on sang nakaligad nga midterm elections.
Ginpangunahan ni Liga nga mga Barangay President Roberto Ross Roldan ang pagsumpa sa mga napilian nga opisyal.
Yara man sa nasambit nga programa si Atty. Luvim D. Amores, Provincial Information Officer kag Concurrent Head sang HRMO, agud magrepresentar kay Governor Fredenil H. Castro.
Si Mayor Ronnie Dadivas ang liwat nga napilian para sa iya ika-tatlo kag katapusan nga termino bilang alkalde sang syudad sang Roxas.
Madumduman nga nagdaog sang nagligad nga midterm elections ang kabug-usan nga linyada ni Mayor Dadivas sa Roxas City sa idalom sang partido nga One Capiz.
With a report from Bombo Jessa Mae De Los Santos
