ILOILO CITY, Philippines – Arestado ang isa ka empleyado sang Capitol Iloilo sa ginpatigayon nga buy-bust operation kapin sa P7.8-Millyon nga shabu narekober.
Ginkilala ang arestado sakay alias Banny, 51-anyos, kag residente sang Janiuay, Iloilo.
Suno operatiba isa ka watchlisted drug personality ang suspek sa idalom sang Philippine National Police “PNP”, kag Philippine Drug Enforcement Agency “PDEA”, kag sa subong, nagatrabaho ini bilang truck driver sa Iloilo Provincial Capitol.
Sa pagpanguna sang Provincial Drug Enforcement Unit kaupod ang iban nga police units kag PDEA Region 6, nga nagresulta sa iya pagkadakop kag pagrekober sang 1,145 grams sang ginapatihan shabu.
Sa karon, yara na sa kustodiya sang Santa Barbara Municipal Police Station ang suspek samtang ginahanda ang pagpasaka sang kaso sa idalon sang Republic Act 9165 ukon Comprehensive Dangerous Drugs Act of 2002.
