ROXAS CITY – Nabalaka sa karon ang pamilya sang Pinay OFW nga nadula sa Saudi Arabia bangud wala pa sila sang balita sa ginapahamtangan ni Roselyn Parcon.
Sa interview sang Bombo Radyo Roxas kay Russel Parcon, utod sang biktima, ginpahayag sini nga nakig-angut na sila sa embahada sang Pilipinas mangin sa employer sang Pinay OFW,
Apang nagaduda sila sa employer ni Roselyn, bangud wala ini nagakooperar sa diin wala sini ginahatag ang ila ginahulam nga dokumento kasubong sang kontrata nga makabulig sa pagpangita sa nasambit nga OFW.
Sa nakuha nga CCTV footage sa isa ka supermarket sa Damam, Saudi Arabia nakita pa si Roselyn nga nagbakal sang tubig matapos nagseparar sila sa pagpauli sang mga pakaisa nga iya nakaupod sa paglagaw sadtong Lunes
Sa karon nagabuligay ang mga Pinoy OFWs sa Saudi Arabia para makita si Roselyn.
